Patay ang Pito ka miyembro sa Central Luzon Regional Committee sa Communist Terrorist Group (CTG) human sa engkwentro sa mga sundalo gikan sa 84th Infantry (Victorious) Battalion sa Philippine Army sa Brgy. Malbang, Pantabangan, Nueva Ecija kagahapon sa hapon.
Matud pa ni Lieutenant Colonel Jerald Reyes, Commanding Officer sa 84 Infantry Battalion, nagpahigayun silage hot pursuit operation sa Barangay Abuyo, Alfonso Castaneda, Nueva Vizcaya pinaagi sa aerial operation nga ginsundan sa combat operations.
Dugang pa ni Ltc. Reyes nga resulta sa operasyon, narekober sa mga sundalo ang mosunod: 3-M14 rifles, 6- M16 rifles, 1- M16 adunay attached M203 rifle, 1-low-powered firearm, subersibong mga dokumento, ug personal equipment sa encounter site.
Sumala sa militar, walay gikatahong kaswalti sa bahin sa mga sundalo.
Napugngan sa Militar ang plano sa CTG nga mabalik ang ilang impluwensya sa komunidad gamit ang pagpanghulga.
Matod ni Lt. Col. Reyes ilahang gisiguro ang kaluwasan sa katawhan sa Nueva Ecija batok sa hulga sa mga teroristang grupo.
Samtang, si Brigadier General Joseph Norwin D. Pasamonte PA, Commander sa 703rd Infantry (Agila) Brigade, Philippine Army, nidayeg sa mga sundalo sa malampusong operasyon ug nagpasalamat sa komunidad sa ilang kooperasyon.
Nanawagan usab si BGen. Passamonte sa mga sakop sa CTG nga mitahan sa gobyerno ug nagbag-o sa ilang kinabuhi.
