Cebu City-Muabot sa 7 million pesos ang kantidad sa shabu ang nasakmit sa Philippine Drug Enforcement Agency (PDEA-7) sa gipahigayong buybust operation bag-o ug sa adlaw mismo sa Sinulog Festival 2018.
Matud ni PDEA-7 Dir. Emerson Margate nga bisan sa tunga-tunga sa kasaulugan sa Sinulog Festival, aduna gihapon silay operation. Muabot sa 1.3 ang kilo sa shabu nga nasakmita sa mga PDEA agents kung diin nasikop 10 ka tao.
Migawas sa imbestigasyon nga ang mga drogas na nakuha nagikan sa Mindanao partikular na sa Julu ug Zamboanga.
Matud pa niini nga aduna nay kalahi-an ang pagsulod sa drogas sa Cebu kung diin dili na kini pareha sa naandan nga sa Manila ang source niini. Apan karon giingong gisuwayan na sa mga iligalista ang backdoor g sa Mindanao na nila kini gi-agi.
Nasayran nga usa sa mga nasikop ang misakay lang og bus gikan sa Zamboanga padulong sa Sugbo na-sikop kini sa terminal
Dugang pa niini nga gipahimusla na sa mga durugista ang opurtunidad nga makasulod sa Cebu tunga-tunga sa Sinulog Festival sa pagtoo nga dili sila dali mabantayan tungod sa kadaghang tao. d
