CEBU CITY – Gilauman karon ang pag-abot sa kapin sa 88-mil ka mga bakuna gikan sa Pfizer nga alang sa mga ‘5 to 11 years old’ dinhi sa Central Visayas karong sabado, Pebrero 12, 2022.
Sumala pa kini ni Dr. Mary Jean Loreche, spokesperson sa Visayas Vaccine Operations Center (VVOC) diin adunay gitaganang suplay gikan sa National Government alang sa probinsya sa Bohol, sa lalawigan sa Sugbo, sa Metro Cebu, Negros Occidental, ug sa Siquijor.
Diin kining mga bakuna kay alang lang sa mga bata nga nag-edad og singko hangtud sa 11-anyos tungod lahi ang dosage formulation niini diin mas minus kini itandi sa dosage nga gamiton sa mga hamtung.
Dugang pa ni Loreche nga ubos sa masterlist, makadawat ang Sugbo og 36,000 ug laing 12,000 ka doses alang sa highly urbanized cities (HUCs) sa Cebu, Mandaue, ug Lapu-Lapu.
Mokabat usab sa 122,000 minors ang ni-preregistered sa bakuna gikan sa Bohol, adunay 177,000 sa Sugbo, apil na ang Metro Cebu, samtang, 93,000 alang sa Negros Oriental, ug 8,000 alang sa Siquijor.// ekp
