Patay ang 9 ka mga tawo samtang anaa sa 54 ka laing mga tawo ang naangol human nahugno ang usa ka entablado tungod sa kusog nga huros sa hangin atol sa campaign rally sa usa ka presidential candidate sa Mexico niadtong Miyerkules.
Matud ni Gobernador Samuel Garcia sa Nuevo Leon state, Mexico nga lakip sa namatay mao ang usa ka menor de edad samtang pipila sa mga naangol anaa sa stable nga kondisyon ug ang uban gipailalom sa operasyon.
Gipaambit usab ni presidential candidate Jorge Álvarez Máynez, nga wala siya naangol sa insidente nga nahitabo sa iyang campaign event sa amihanan-sidlakang lungsod sa San Pedro Garza Garcia.
Ingon man nga nakaangkon og samad ang 54 ka indibidwal apan, nakaangkon kini og samad.
Sa pagkakaron, padayon ang rescue operation arun maluwas usab ang pipila ka mga tawo nga natanggong sa ilawom sa nahugno nga plataporma.
Sa wala pa ang insidente, basi sa forecast sa meteorological service sa Mexico ang tibuok rehiyon makasinati og kusog nga hangin ug gipasidan-an sa paghuros sa hangin nga may kusog nga 70 kilometers per hour.
