CEBU CITY-Gisiguro karon sa ASEAN coordinating council sa Sugbo nga dili ma-apektuhan sa ngil-ad nga panahon ang kasamtangang gipahigayon nga ASEAN Finance Ministers Meeting.
Matud ni PRO7 Director Police Chief Supt Noli Talino nga ang coordinating council gilangkuban sa nagkalain-laing ahensya sa gobyerno nga maoy nagmonitor sa kasamtangang ASEAN summit.
Dugang pa ni Talino nga dali raman nga nasulbad ang mga problema sa pagbaha hinay nga dagan sa trapiko tungod na usab kay anaa man ang mga agency concerned para sulbaron ang mga problema.Gihimug-atan ni Talino na bisan padayon ang pag-ulan padayon usab ang pagbantay sa mga tropa sa mga kapulisan sa seguridad ilabina na sa mga lugar nga posibleng bisitahon sa mga delegado gawas sa ilang mga meeting venues.
Nagbutang usab og mga cctv cameras sa palibot sa dakbayan sa Lapu-lapu para dali nga mamonitor kung adunay may mga hulga sa seguridad ug dali ra usab nga ma-trace ang mga mugawas nga mga delegado.
Nasayran nga hantud karon padayon pa gihapon nga nakasinati og pag-ulan ang dakbayan sa Lapulapu ug usa sa mga gikabalak-an mao ang posible nga pagbaha sa usab sa mga areas ilabina ang dool sa venue sa meeting.
