CEBU CITY-Nanghinaut si Atty Karen Calam nga makagatag ug inspirasyon sa mga kabatanunang naggikan sa mga probinsya hilabi na katong mga nagtungha sa public school ang iyang nakab-ot nga kalampusan.
Matud ni Calam nga dili tungud kay taga probinsya ang usa ka tawo , dili siya pwede nga makapangandoy ug taas kaayo. Gihimug-atan niini nga gikinahanglan nga aduna gyuy pagsalig sa iyang kaugalingon ang usa ka tawo arun nga makab-ot jud niya ang iyang pangandoy. Gitambagan usab niini ang mga future bar takers nga dili gyud e pressure ang ilang kaugalingon, gikinahanglan nga balanse lang ang ilang kinabuhi, dili jud malimot sa pag ampo sa Ginoo, ug ang pagsalig usab sa tunghaan nga ilang gigikanan.
Nasayran nga sa wala pa ang bar exams, nag sige na ug pangaliya si Atty Calam sa nilang Sr Sto Niño, birhen sa Simala, Teofilo Camomot, Padre Pio, Birhen sa Udlot , Our Lady of Perpetual help ug sa birhen sa manawag
Wala usab mapasudlan sa ilang kalipay lain pang top notcher nga sila si Atty. Anne Margarette Momongan ang 7th placer ug si Atty.Jeffersson Gomez nga naa sa 8th place. Matud ni Gomez nga bisan paman sa iyang naabot karon magpabilin gihapon siya nga mapahiub-sanon samtang ang pagka-single usab ang nahimong yawe aron nga makapokos sa iyang pagtoon og Law si Momongan mao nga nakapasar usab siya sa Bar exam. Nasayran nga puro mga Certified Public Accountant (CPA) sila si Calam, Gomez ug Momongan ug nasuta nga managhigalaay pa ang tulo.
Samtang nag-awas ang kalipay ug dili katoo si Atty. Joan Largo ang dean sa University of San Carlos kun USC School of Law nga malangkat nila ang pinakataas na pwesto o top 1 sa Bar Examinations.Matud ni Largo nga dili na bago para nila nga malakip sa top 10 ang ilang mga estudyante apan wala niini damha nga aduna gyud magtop 1 tungod na usab sa kadaghan sa mga Bar Takers.
Gipasigarbo usab ni Atty. Largo na 100 porsyento na nakapasa ang tanan nilang estudyante nga mikuha og Bar Exam niadtong November 2016 kung diin 70 kabuok ang mi-take ug ang tanan niini nakapasar.
