CEBU CITY – Gironda sa mga kapulisan sa Cebu City Police Office nga gipanguluhan ni Police Sr. Supt Joel Doria, ang Cebu City Jail human makadawat og impormasyon kabahin sa usa ka inmate nga mao matud pa ang nahimong contact sa supplier sa illegal drugs gikan sa New Bilibid Prison.
Gisulod sa mga kapulisan ang selda ni Arichie Abellana kinsang usa ka mahuyang nga maoy gitumbok sa usa sa mga dinakpan sa gipahigayon ng One Time Big Time Operation sa kapulisan kagabie sa dakbayan sa Sugbo , nga maoy gikuhaan niini og illegal nga drogas.
Atol sa operasyon nakuha sa lawak nga giokupar niini mao ang mga nagkatag nga gituohang shabu, cellphone , power bank,pipila ka tambal ug ingon man listahan sa mga gituohang ka-transaksyon niini.
Matud ni Police Sr. Supt Joel Doria, ang Director sa Cebu City Police Office nga anaa sa ilang link diggram ang pangalan ni Archie Abellana nga usa sa mga dunay koneksyon sa NBP nga maoy gitumbok nga tinubdan sa mga drogas nga gi supply dinhi sa dakbayan sa Sugbo.
Sa pagpakigsusi sa kapulisan, migawas nga si Abellana maoy agi-anan sa tanang komunikasyon paingon didto sa NBP ug ang iyang mga kabanay nga naa sa gawas maoy mukuha sa delivery sa iligal nga drogas.
Matud pa nga adunay igsuon ug ig-agaw si Abellana nga naa didto sa NBP.
Gipalawman pa karon sa kapulisan kung konektado ba sa 3 ka mga drug syndicate sa sugbo ang subject nga si Abellana.
Samtang, hugtanong gihimak sa ni Archie Abellana nga shabu ang nakita sa mga kapulisan atol sa gipahigayon nga pag ronda ganiha sa Cebu City Police Office sa alawak nga gi okupar niini sa Cebu City Jail.
Matud ni Abellana nga mga tambal lamang sa iyahang sakit nga asthma ang naa sa iyang lawak.
Gihimakak usab niini ang pasangil sa mga kapulisan nga siya maoy link sa mga nagpayuhot ug iligal nga drogas didto sa Bilibid.
Matud niini nga nagtiunarong na kini sulod sa prisuhan ug limpyo ang konsensya niini.
Wala usab kini mabalaka kung pananglitan nga ukayon sa mga kapulisan ang unod sa cellphone nga narekober sa iyang lawak.
Nasayran nga gisulod sa mga kapulisan ang lawak ni Abellana sa Cebu City Jail human makadawat ug impormasyon ang mga bkapulisan gikan mismo sa ilang dinakpan nga nagpadayon gihapon ang iligal nga negosyo niini bisan naa natanggong sulod sa prisuhan.
Si Abellana maoy gitumbok usab nga link sa mga mamaligyaay sa ginadiling drogas ngadto na sa NBP nga maoy giingong kuhaanan sa supply sa iligal nga drogas.
