CEBU CITY-Wala panumbalinga sa mga raliyesta ang ngil-ad nga panahon sa ilang lihok protesta kalabot sa pagkapatay sa mga pulis sa 17 anyos nga si Kian Lloyd delos Santos sa usa ka drug operation sa Calocan City.
Matud sa representative sa Akbayan Youth Cebu nga si Justin Balane, gi-kondenar nila ang tanang patay nga nahitabo sa Pilipinas human na usab sa kontrobesyal nga pagkamatay ni Kian. Matud niya nga padayon ang ilang pakigbatok sa para mahunong ang sayop nga proseso sa war on drugs.
Matud pa niini nga sa nahitabo ni Kian nagpakita lang kini nga nagkabata ang nabiktima niini ug sa maong paagi susama nga pwede nalang nga patyon ang si bisan kinsa ug ipagawas nga misukol kini.
Samtang gipasalig usab ni Cebu Provincial Police Office (CPPO) Director nga si PSSR Joel Doria nga layo ra nga mahitabo ang nahitabo sa Cebu ang nahitabo sa Caloocan City.
Matud ni Doria nga gi-briefing niya ang mga pulis sa dili pa kini magpahigayon og operasyon nga kung mahimo walay mahitabo nga pinusilay ug kinahanglan nga masikop nga buhi ang ilang subject person.
Dugan pa niya nga adunay usab Human Rights seminar nga gipahigayon para sa mga pulis ug adunay mga police procedure kining gisunod kada operasyon.
Gihimug-atan usab sa Dir. nga usa lang ka isolated case ang nahitabo ni Kian LLoyd Delos Santos.
