Cebu City– Muabot sa 2.1 million pesos ang kantidad sa drogas nga nasakmit sa 2 ka babaye human nga masikop sa City Intelligence Branch kun CIB nga naaktohang nakitaan og iligal nga droga sa Sitio Plastikan, Brgy. Duljo Fatima, niining dakbayan sa Sugbo.
Giila ang mga nasikop na sila si Luzminda Dichos Ongcoy, 59 anyos ug si Gina Lascuña Gerale, 39 anyos kinsang giingong magsaulog sa iyang adlawng natawhan ugmang adlawa.
Matud ni Christopher Navida, ang hepe sa CIB nga 3 ka semana nga gi-monitor ang mga subject .
Matud usab niini nga ilang gikonsidera nga mga high Value Target ang duruha sanglit kanunay nga mugawas ang ilahang pangalan sa mga gipahigayong imbestigasyon sa mga una ng nasikop nga mga drug personalities .
Nakuha sa ilang posisyon ang 1 ka large sachet sa shabu ug 4 ka medium size sachet sa shabu nga adunay gibug-aton nga 180 grams.//Suta-on usab sa kapulisan kung kinsa pa ang connection sa mga dinakpan
