Cebu City-Misyon karon sa giila nga pinaka-una nga Filipina Chess Grandmaster nga si Janelle Frayna nga buhi-on ang interest sa mga kabataan sa duwa nga chess ilabina sa mga kababay-an para mas mudaghan pa ang mga pinay chess players nga pang world class ang talento.
Kini human nga ma-obserbahan ni Frayna nga wala nay igong interest ang mga kabataan sa duwa nga chess ug mas gitagaan pa niini ug importansya ang ang computer games ug laing butang
Sa ekslusibo nga pakighinabi sa Bombo Radyo Cebu kang Frayna gusto niini nga mawala na ang stigma o ang stereotyping nga giingong mas mahuyang ang mga babae sa natad sa pagpaugnat sa kusog.
Gusto usab sa Legaspi native pinay Grandmaster nga malahi ang kultura sa kababayn-an sa chess tungod kay sa obserbasyon niya nga human makagradwar ang babae nga chess players dali nga gitagaan og pagtagad niini ang ilang trabaho yg nabiyaan na ang pagduwa og Chess.
Panawagan ni Frayna sa mga kabataan nga gusto nga mamahimong hanas sa naasoy nga duwa nga mas maayo nga sugdan sa batan pa ug himoon kining prayoridad.Gihimug-atan niini nga dili nalang magreklamo sa makasagmuyo nga suporta sa gobyerno sa mga athleta mas maayo pa nga mangita nalang og paagi para practisan ang skills sa duwa nga chess.
Nasayran nga usa si Frayna sa guest speaker sa 2017 National Rapid and Blitz Individual/Team Championship nga ipahigayon ugma dinhgi sa Sugbo.
