Cebu City-Gipangita karon sa mga otoridad ang usa ka estudyante human nga giingong gikidnap sa 4 ka mga langyaw.
Ang nahisgutang estudyante nga nagtungha sa Cebu Eastern College giila nga si Kristel Jade Wety. Giingong gisakay sa usa ka black van ang biktima nga adunay plate mumber nga PMQ 123.
Matud ni Police Senior Superitendent Joel Doria ang director sa Cebu City Police Office nga matud sa mga klasmet sa biktima nga 4 ka mga lalaki nga susama sa foreigner ang mikuha sa biktima.
Sa facebook account sa babae adunay nagpost ang giingong nagkidnap niini nag-ingon nga iya lang ang babae ug ihunong na ang pagpangita sa maong babae. Kung dili matud pa ihunong ang pagpangita ug pag chat niini iyang patyon ang babae.
Ang biktima a nasayran nga lumad nga taga Hilongos Leyte temporararyong nagpuyo sa Brgy Buhisan lungsod sa Cebu.
Gipa-alerto na karon ang mga police units sa nakuha nga plate number sa sasakyan nga gigamit sa giingong pagkidnap sa biktima.
Gibutyag usab sa boyfriend sa 21 anyos nga working student nga giingong gi abduct ganihang sayo sa buntag sa dalan sanciangko ning dakbayan sa Sugbo nga naka contak pa kaniya ang biktima ug nagayo ug tabang.
Matud ni Chalden Umpad, nga naka text pa kaniya ang biktima ug gihatag ang plate number sa sakyanan nga maoy gisakyan sa 5 ka mga lalaki nga gikaingong mikuha sa biktima. Basi sa impormasyon nga nakuha ni Umpad nga 3 sa lima ka mga suspect ang mga foreigner ug duha niini ang Pinoy.
Gihiktan sa iyang tiil ug gisukmag matud pa ang iyahang uyab basi na usab sa mensahe nga gipadala kaniya. Wala usab idea si Umpad kung kinsa ang mikuha sa iyahang uyab sanglit matud pa nga wala man kini nahibaw-an nga na kontra niini. Sa uwahi nga impormasyon nga nakuha niini, nga naa sa usa ka karaang balay ang biktima apan wala kini masayod kung asa.
Wala na sila maka estorya sanglit gikuha na sa foreigner ang tablet niini.
Samtang, nawad-an usab ug panimuot ang maguwang sa biktima gumikan sa tumang kabalaka sa iyahang igsuon.// Dali nga gitabang sa emergency medical service ang maguwang sa biktima ug gidala sa tambalanan.
