Cebu City-Nabutang sa walay kasiguruhan karon ang Toledo City chief of police ug ang kapin 20
ka mga pulis nga kauban niini. Kini human nga maabtan sa Cebu Provincial Police Office (CPPO) Director nga si Police Sr Supt. Edgar Alan Okubo nga walay tao sa ilang estasyon sa dihang mag-inspection kini.
Matud ni PCSUPT Jose Mario Espino ang Regional Director sa Police Regional Office (PRO-7) nga gipaabot na lang nila karon ang rekomendasyon sa pagrelibo sa hepe nga si PSUPT Anthony Bagarinao. Gipaabot nila kung unsa ang penalty nga ilang ipahamtang niini.
Una niini,nagpahigayon og surprise inspection ang CPPO director sa Toledo Police Station niadtong adlaw Linggo ug walay tao matud pa didto.Usa lang ka personnel ang naa sa ilang estasyon.
Gihimug-atan ni Espino nga dili kini ang una nga higayon nga nagpahigayon sila og surprise inspection hayan kinahanglan nga manubag ang hepe sa nahitabo kung nganu nga sirado ang ilang police station. Dugang pa niini nga kinahanglan nga manubag usab ang mga pulis nga nakaduty niadtong adlaw ug kung ngani nga wala sila sa ilang poste niadtong higayona.
Gitino ni Espino nga walay problrma kung usa lang ang mahabilin sa estasyon apan kinahanglan nga naa sa field ang uban.
Samtang, gidayeg ni Espino ang CPPO Director tungod kay nagpakita matud pa kini og supervision sa iyang mga taoug angayan lang nilang buhaton ang ilang trabaho tungod kay misaka na ang ilang mga sweldo.
