Cebu City- Gibana bana nga moabot sa 20 mil ka deboto ang nag-atang sugod sa pier uno sa gipahigayon hangtod sa dan nga agian sa imahe sa balaang bata ug birhen sa Guadalupe paingon sa Basilica Minore del Sto. Niño.
Moabot usab sa 75 ka mga vessel ang niduyog sa nahisgutang prosesyon lakip na ang usa ka Swiss Vessel nga gisakyan sa mga Swiss environmentalist nga nipahigayon ug upat ka tuig nga ocean mapping expedition sa tuyo nga masaksihan kining dako nga relihiyosong kalihukan.
Nipaambit usab sa ilang estorya sa pagtuo ang mga deboto sa Sr. Sto Niño nga nitambong sa maong prosesyon.Estorya sa kalampusan ang gipaambit ni Dr. Reshyl Lubay human siya makapasar sa Physician Licensure examination gumikan na usab sa iyang pag-ampo kang Sr. Sto. Niño.
Pagpasalamat usab sa kalampusan sa pagtungha sa tanan niyang mga anak ang gipaambit ni Beca Garcido.Samtang mahulagway nga milagro para kang Jessie Lim,ang presidente sa Parish Pastoral
Council sa brgy. Guadalupe ang iyang kaayuhan stage 4 colon cancer dahil sa iyang pagsalig sa birhen sa Guadalupe ug sa Sr. Sto. Niño.Gumikan niini nag resign siya sa iyang trabaho isip manager aron moalagad sa Ginoo.Samtang nitambong usab ang mga Swiss enviromentalist sa Fluvial Procession sakay sa ilang vessel nga Fluer de Passion diin gusto nilang masaksihan ang nahisgutang religious activity.
Nasayran nga naa dinhi sa Cebu ang ang mga Swiss environmentalist isip kabahin sa ilang 4 year ocean mapping expidition.
Gibanabanang moabot sa 20 mil ka mga deboto ang nag-atang sukad sa pier 1 nga gidungguan sa imahe sa Sto. Niño ug sa mga agianan paingon sa Basilica Minore del Sto. Niño
Gilauman nga moabot sa usa ka milyon ang motambong sa Solemn procession nga magsugod karong alan una sa hapon.
