CEBU CITY – Anaa sa sakto nga kondisyon ang mga atleta nga gipasalmot sa Central Visayas Regional Athletic Association (CVIRAA).
Kini ang gibutyag ni Dr. Sennin Paulin, ang School Division Superintendent sa Dakbayan sa Naga subay na sa hingpit nga pagsugod sa maong kalihukan nga gipahigayun sa lungsod ng Tagbilaran, probinsya sa Bohol.
Matud ni Paulin nga aduna nay gisugdan nga duwa sa maong kalihukan diin aduna nay gisalmotan nga duwa ang ilang mga atleta.
Matud pa niini nga anaa gayud sa eksakto nga kondisyon ang ilang mga atleta gumikan nga gipaubos man gayud kini sila sa training usa gisalang sa maong kompetisyon.
Dugang pa ni Paulin nga ila gayud gipangandaman ang maong kompetisyon. Nagkanayon pa kini nga wala sila manghinaot nga makaplace kun di ang ma-improved ang ilang standing karon nga dili na pareha sa milabay nga pagsalmot nila.
Bisan paman matud pa nga dili pinista ang ilang pagkaon, masiguraduhon si Paulin nga walay problema ang pagkaon sa mga atleta.
