Cebu City- Walay nakitang rason ang pamilya ni Christian Berangel kinsamng gipusil patay ganihang sayo sa kaadlawon sa 2106 Sitio Regla , Brgy Mabolo ning dakbayan sa Sugbo.
Matud ni Carmelita Berangel,inahan sa biktima nga hilumon ra man ang iyahang anak ug wala siyay nahibaw-an nga kontra sa iyahang anak. Hinuon giangkon niini nga tuo ka tuig ang milabay , nalambigit kaniadto sa ginadiling drogas ang biktima apan sa dihang milingkod na sa posisyon si Presidente Rodrigo Duterte ug nagsugod ang Oplan Tokhang miundang na kini sa iyahang iligal nga binuhatan. Gibutyag usab ni Carmelita nga mag sige ug casino ang iyahang anak ug buy and sell ang negosyo niini sa pagkakaron.
Samtang base sa inisyal nga imbestigasyon sa homecide section sa Cebu City Police Office, nakadagan pa ang biktima sa unang pagpusil niini ug nakadagan pa kini ug gigukod sa mamumunu gumikan na usab sa mga nagkatag nga kabhang sa calibre 45 nga armas nga na recover sa crime scene. Nagkadaiyang samad sa iyahang lawas maoy hinungdan sa hinanaling kamatayon sa biktima.
Base sa mga nakasaksi nga dunay lalaki nga nagmotor nga maoy responsable sa krimen.
