Cebu City-Mas daghan ang aktibidad ug mga programa ang gihimo sa Bureau of Fire Protection karong buwana subay na sa Fire Prevention Month.
Kini mao ang gibiutyag ni SI Marlyn R Macatangay, Chief Public Information Services (PIS) BFP-7 kung diin ang tema niini karon mao ang “Ligtas na Pilipinas ang ating hangad, pag-iingat sa sunog ipatupad”.
Matud ni Makatangay nga tumong ug tuyo niining ilang kausaban karon sa ilang mga programa mao ang paghangop sa kasamtangang administrasyon.
Gihmug-atan usab niya karon nga tumong nila nga mahatagan og maawhag ang tanan nga dili lang ang Mga kabomberogan ang responsable sa pagpakgang ug paglikay sa sunog apan mismo ang matag usa ilabina kay magsugod gyud kini sa panimalay.
Tataw ni Macatangay nga concern kini sa tanan.Aduna usab sila nagkalahi -lahi nga mga programa nga ipahigayon sa ilang mga area of responsibility sama sa poster making ug mga art exhibit para mga kabatan-unan.
Tumong usab niini nga ma-edukar ang mga bata samtang hingkud pa ang ilang pangidaron nga makataktak na sa ilang huna-huna ang fire safety.Gi-awhag usab ni Macatangay nga kinahanglan gyud nga mahibaw-an usab sa mga residente ang numero sa ilang nearest fire station aron nga makatawag dayon og makareport kung naay sunog para dai nga maalarmahan.
Samtang gidugang FO2 Fernelyn NEca C. Gabas, PIS Staff sa BFP-7 ang mga basic tips para malikay sa sunog.Nasayran nga nag-una nga hinungdan sa sunog mao ang electrical short circuit hayan gipahimangno sa BFP nga likayag ang pag-overloading sa saksakan kung diin daghan kaayo ang isaksak sa usa lang ka outlet.Angayan gydu matud pa nga mag-una sa balay ang safety diin angayan nga adunay pagahimoon nga exit drill aron nga dili na malisang pa sa panahon sa sunog.
Gipahimangno usab ni Gabas nga kung magluto kinahanglan nga bantayan gyud ug siguradoon nga wala nay kayo nga mupilit sa kalan ilabina kung gipaawng na ang stove.Angayan usab nga inspeksyunon ang LPG sa dili pa mulakaw o sa dili pa matulog ang hose niini kung wala bay buslot kay usa kini sa magamugna og sunog.
Samtang sa panahon sa sunog, importante gyud nga dili magpanic ug kinahanglan nga masayod ang tao sa iyang gipangbuhat aronb dili madisgrasya.Sigon ni Gabas nga mugawas gyud dayon sa balay ug dili mubalik ug mawili pa sa mga butang sanglit ang kinabuhi ang pinaka importante sa tanan.
Mutawag usab dayon sa pinakadook nga fire station ug kinahanglan usab nga ang usa ka household aduna gyuy fire extinguisher.
