Cebu City-Kumpyansa si Senator Antonio Trillanes IV nga mamahimong objective ang mga senador sa pagdungog sa impeachment hearing batok kang Chief Justice Maria Lourdes Sereno.
Kini bisan pa m,an ug daghang mga kaalyado si Presidente Rodrigo Duterte nga maoy giisip niini nga nagpaluyo sa impeachment case batok ni Sereno.Matud ni Trillanes nga ang ilang mamahimong desisyon ang ilahang ibase sa ilang mamahimong opisyon sa mga e-pang plastar unya nga mga merito sa kaso ingon man kung unsa ang gusto sa katawhan nga maoy ilang girepresentar.
Dili matud pa nga yanu-yanuhon lamang nila ang impeachment ni Sereno ug hatagan dayon ug sentensya sanglit ang makwestyon usab ang ilahang credibilidad isip mga senador hilabi na ug padulong na ang eleksyon. Mangin maapingon usab sila sa maong pagdungog hilabi na nga masaksihan usab kini sa katawhan.
Pinaagi matud pa sa pagdungug sa maong kaso, diha masayran kung duna gayud bay nahimong kalapasan si Sereno ug kung angayan gayud ba kini nga ma impeach.
Sa laing bahin ibahad si Senator Antonio Trillanes IV sa mga justices sa Korte Suprema nga matud pa maghimo ug desisyon nga p-alagputon si Sereno sa iyahang pwesto subay na sa plano sa solicitor general nga mag file ug quo warranto investigation batok sa chief justice.
Gihimug-atan ni Trillanes nga bugtong impeachment lamang ang makapalagpot sa usa ka chief Justice ug ang senado lamang maoy makabuhat niini isip impeachment court.
Matud pa sa senador nga kung himuon man gane kini sa mga justices mamahimong balikan sila niini ug sila na usab ang ma subject sa impeachment.Gipasabot ni Trillanes nga ang tanang mga impeachable officials sama sa Presidente, bisag unsa pa ang reklamo batok kanila hangtud nga naa sila sa serbisyo , impeachment lamang ang makapalagpot kanila.
