Cebu City- Sikop ang usa ka babaye human kini ang malutsan ug 14 tanan ka mga warrant of arrest gumikan sa kasong estafa. Ang dinakpan ang giila nga si Maria Victoria Ungkol Toralba ug kasamtangan nga nagpuyo sa Happy Valley , Brgy West Poblacio sa dakbayan sa Naga.
Matud ni Police Sr Inspector Reslyn Abella nga duna pay laing mga warrant of arrest ang suspect nga wala pa gipagawas sa Korte. Matud sa mga biktima nga gihaylo sila sa suspect nga mag invest sa negosyo niini nga buy and sell sa bugas ug uban pa, diin sa ilang pag invest kada buwan maka kuha sila ug 10 -20 percent ug usa ka sako nga bugas.
Gipasalig usab sila nga anytime mahimo nila nga makuha ang ilang kwarta . Samtang nangutang usab kini sa usa ka lending compnay diin mukabat sa 150 k apan wala na kini makabayad.
Suma pa nga maayo kaayo mudala og storya ang suspect maong dali nga nahaylo ang mga biktima. Gipagawas matud pa sa suspect nga duna kini mga on going nga construction projects sa mga dagkong lugar dri sa central visayas maong nagkinahanglan siya ug dakong kantidad.
Mi-issue matud pa kini ug cheque apan miuntol ug daghan na lamang sab ug mga alibi. // Basi sa inisyal nga imbestigasyon niadto pang tuig 2012 nagsugud ang modus sa suspect diin lahi lahi na usab nga pangalan ang gigamit niini. Kumpyansa usab kini nga makagawas sa prisuhan ug matud pa nga makig settle sa iyahang mga nabiktima. Kasamtangang natanggong kini karong sa Police Regional Office 7.
