CEBU CITY-Kasuko human ng gisingil sa iyahang bayranan sa tuibig maoy gisundan karon nga anggulo sa kapulisan sa nahitabong pagpamusil kagabii sa dalan Urgelio Brgy. Sambag 1 ning dakbayan sa Sugbo nga gikaangol sa duha ka mga tawo.
Matud ni SPO3 Romel Bancog sa homecide section sa Cebu City Police Office nga ang target gayud sa gunman mao si Jun Ernie Navasa ug napagan lamang si Jerimiah cabagnot.
Matud pa nga ang suspect sa maong pagpamusil mao si Gilberto Berdin kinsang nag-abang sa boarding house nga gipanag-iya sa iyaan ni Narvasa.
Gibutyag ni Bancog nga sa miaging duha ka bulan nakadawat na ug hulga gikan sa suspek ang biktima human nga nasuko kini sa dihang gisingil sa iyahang bayrunon sa tubig. Matud pa nga gitultul gayud sa suspek ang biktima maong nahitabo ang pagpamusil kagabie sa dalan Urgellio diin naninda ug prutas ang biktima.
Sa pagkakaron nagpabilin sa tambalanan ang duha ka biktima human makaangkon ug samad pinusilan sa nagkadaiyang bahin sa ilang lawas.
Narecover sa crime scene ang 4 ka mga empty shell sa caliber 45. Naa na sa luwas nga kahimtang ang duha ka mga biktima.
