CEBU CITY- Gihuptan karon sa Bombo Radyo Cebu ang mga listahan sa mga na-relieved nga jail officer duha ka semana sa wala pa namatay ang giingong drug lord sa first district sa probinsya sa Cebu sa dakabayan sa Talisay nga si Steve Go.
Sa eksklusibong pakighinabi sa Bombo Radyo Cebu, ni Regional Director Arnold Buenacosa, sa BJMP-7, giangkon niini nga 4 sa mga jail officer niini ang girelibohan tungdod kay matud pa protector kini ni Go.
Basi usab kini sa PNP ug ni Mandaue City Jail warden Jessie Calumpang.
Matud pa ni Regional Director Buenacosa bago lang, nga sobra na sa 3 ka buwan ayha nahibaw-an ni Jail Superintendent Calumpang nga adunay buho ang selda kung diin didto gipasulod ang mga kontrabando.
Kung mapamatud-an nga ang 8 mga jail officer mapamatud-an nga dunay kalambigitan sa drug smuggling, mataktak kini sa ilang mga
pwesto.
Samatang gidugangan usab niRegional Director Buenacosa ang mga jail personnel para masiguro nga mabantayan ang seguridad sa natumbok na selda.
Gihatagan usab og privacy ang suspek sa pagpatay ni Go nga si Cresenciano Tuason Heyrana nga hangtud karon tak-om pa ang baba sa nahitabo nga insidente.
Dugang pa niini susamang naglikay usab sa media si Jail Supt. Calumpang sa sa kontrobersyal nga pagkamatay ni Steve Go ubos sa iyang pagdumala sa Mandaue City Jail.
