CEBU CITY-Anaa pa sa tambalanan ang 11 ka mga studyante sa Montañeza Elementary School sa Malabuyoc Cebu human nga kini nangahilo sa tuba-tuba plant.
Una niini, matud ni PO2 Mary Ann Cordoza sa Malabuyoc Cebu nga pipila ka minuto human nga mibalik gikan sa lunch break ang mga estudyante sa Grade 3, kalit lang matud pa kini nga nagsuka-suka.
Gidala usab dayon ang mga estudyante sa Malabuyoc District Hospital ug basi sa paghiling sa doktor nasuta nga ang tanan nga mga estudyante nakakaon og tuba-tuba human kini nga migawas sa skwelahan para maniudto.Mao usab kini ang nakita nga hinungdan sa doktor mao nga nagsuka ang mga bata.
Luwas na hinoon sa makuyaw nga kahimtang ang 11 ka mga bata apan wala pa kini gidischarged gumikan kay obserbaran pa kini sila sa doktor.
Pagtino usab ni Cordoza nga walay tulubagon ang eskwelahan sanglit nahitabo man ang insidente sa gawas sa vicinity niini.
