CEBU CITY – Ihatud na sa katapusang pahulayan ang giilang sharp shooter ug multi-awarded policeman nga si SPO1 Adonis Dumpit.
Sa pakighinabi sa Bombo Radyo kang Cebu City Councilor Dave Tumulak, giingon niini nga unyang alas 12:15 sa udto opahigayon ang misa sa Cebu Metropolitan Cathedral ug ala 1:30 ihatud na kini sa Carreta Cemetery kung diin kini ilubong.
Gibutyag pa ni Tumulak nga walay idugang nga security ang maong lubong sanglit lauman man nga walay mga pulis nga muhatod ni Dumpit human nga nagpagawas og order si PRO 7 Regional Director C/Supt Debold Sinas nga kuhaan og picture ig ipa-background check ang mga pulis nga mubisita sa haya ni SPO1 Dumpit.
Gitino usab sa opisyal nga wala siyay mahimo inay respetohin ang moang kamanduan ug guhimug-atan niini nga walay angayang ikahadlok ang mga pulis kung wala kini nalambigit sa iligal nga drogas.
Mahinumduman nga niadtong ika-27 sa Hunyo,adlaw nga Miyerkules napatay sa usa ka joint operation sa NBI-Bohol ug Regional Intelligence Division (RID) ang giilang sharp shooter ug multi-awarded police officer nga kanhi escort usab ni Cebu City Mayor Tomas Osmeña nga si SPO1 Adonis Dumpit sa may Dagohoy Circumferencial Road, Brgy. San Isidro dakbayan sa Tagbilaran probinsya sa Bohol, tungod sa giingong misukol kini sa mga operatiba.
