CEBU CITY-Tanggong sa prisohan ang usa ka lalaki human nga gipakatap niini ang hubo nga hulagway sa usa ka menor de edad sa gipahigayong entrapment operation sa Anti Cyber Group (ACG-7) sa may Jones Ave. Brgy. Capitol Site dakbayan sa Sugbo.
Giila ang suspect nga si Jan Claude Cabanag, 31 anyos ug residente sa Brgy. Labangon niining dakbayan.
Matud ni PCI Leo Deofiles ang hepe sa Anti Cybercrime Group (ACG-7) nga midangop sa ilang buhatan ang 17 anyos nga babae ug misaysay nga nagkaila sila sa suspect sa facebook. Giingon niini nga tagaan siya og kwarta sa suspect ug pa-eskwelahon kung magsend kini og “nude” photos.
Tungod sa maong kondisyon, misugot ang biktima ug wala madugay matud pa nakigkita niini ang suspect.Wala pa matud misugot ang biktima apan gihadlok kini nga ipakatap niini ang hubo nga litrato niya kung dili kini musugot.
Tungod niini, misugot nalang ang menor de adad ug gipugos pa kini nga musulod sa motel. Didto , giangkon sa biktima nga dunay nahitabo kanila.
Apan matud sa biktima nga wala pa makuntento ang suspect, gusto na usab niini nga makigkita sa ikaduhang higayon. Hayan, wala na mususgot ang biktima. Tungod niini, gi-sendad sa susect ang mga higala sa biktima sa iyang mga litrato nga hubo hinungdan nga misugot siya nga makigkita na usab sa suspect.Duna na usab nahitabo sa duha pagtino pa sa biktima.
Tungod sa maong panghitabo, dili na matud pa maantos sa menor de edad ang kalaw-ay sa gibuhat sa suspect mao ng nagsumbong kini sa ACG. Dali usab dayon nga mipahigayon og entrapment operation ang ACG at dali nga nasikop ang suspect.//
Kasong kalapasan sa 9995 o anti photo and Voyeurism Act, RA 7610 o child abuse, RA 7610 o child abuse, RA 10175 cyber pornography ug 2 counts of rape ang atubangon sa suspect.
Dugang pa niin, nagkanayon ang biktima nga mas maayo pang maghikog nalang tungod sa kauway nga iyang gihatag sa iyang pamilya.
