Barko nga padulong na unta mudunggo, nasunog; pasahero og mga crew, luwas ra

CEBU CITY – Luwas ra ang 82 ka mga pasahero og 17 crews sa barko nga Lite Shipping 28 human kini nasunog atol na unta nga mudunggo sa may warf sa Brgy. Taloot, lungsod sa Argao.

Sa imbestigasyon ni PO2 Ray Pulidon sa Argao Police Station nga mudunggo na unta ang maong barko nga gikan sa Tagbilaran City, sa Probinsya sa Bohol sa gilay-on lang nga 200 meters. Kalit matud pa ang maong panghitabo diin gilamoy sa kayo ang barko.

Dali hinoon nga nakatawag ang staff sa barko sa Bureau og Fire Protection sa Argao hinungdan nga dali kini nga na rescue.

Padayon pa usab karong gisuta ang hinungdan sa maong sunog ug kung pila ang danyos niini.

Wala hinooy nataho nga grabeng nasamdan sa mga pasahero sa maong barko.