CEBU CITY-Walay nabantayang kaduda-duhang lihok ang usa sa mga tindera sa usa ka carenderia gawas sa Cebu Provincial Detention and Rehabilitation Center (CPDRC) sa nakalabay nga adlaw kung diin nahitabo ang pagpamanhig patay sa 2 ka jail officers ug usa ka highprofile inmate samtang padulong unta sa korte.
Matud sa tindera nga ginganlang og Trinidad nga peaceful ug walay gubot nga iyang nasinatian sukad sa iyang pag-istar dapit sa CPDRC ug wala siya nabalaka sa iyang seguridad.
Sa kadugayon na matud pa niya nga naninda, wala siya nakasinati og gubot nga gikalambigitan sa mga jail officers og mga priso sama nalang sa nahitabong ambush.
Samtang usa ka tanhaga karon ang pagkapalya sa CCTV camera sa area kung diin gibanhigan ang mga biktima sanglit off kini atol sa pag-ambush apab mibalik og function usab paghuman sa panghitabo.
Nagkanayon ang CCTV operator sa Brgy. Kalunasan Brgy. Hall nga si alyas “Eva” nga walay lain nga nakahibaw sa password niini ug duda niya nga dunay mihack sa ilang system. Kini human nga sa nakalabay usab nga semana atol sa greyhound operation sa CPDRC, off sad ang naasoy nga CCTV camera.
