Cebu City- Nasikop sa entrapment operation sa Cebu City Jail ang usa ka mahuyang human nakuhaan og 30 ka ampules sa nubain ug mga pakete sa shabu.
Nakadawat og report gikan sa usa ka concerned citizen nga pasulod na unta sa maong prisohan si Gilbert Gabate, taga-Brgy. Lorega, syudad sa Sugbo, apan nakit-an nga naglisod kini sa paglihok samtang pasulod sa Cebu City Jail.
Nadakpan dayon sa kapulisan si Gabate human nga natagak gikan sa sampot niini ang 10 ka ampules sa nubain.
Dugang pa ni Gabate nga naa pa sulod sa iyang lubot diin nakasulod ang nabiling ampules sa nubain diin giputos kini og condom
Apil sa nasakmit sa kapulisan ang 15 ka gramos nga shabu gikan sa suspek.
Nasayran ni C/Insp. Edward Sanchez, hepe sa Guadalupe Police Station, nga adunay igsuon si Gilbert nga usa ka piniriso nga mao si John Ernest ug itunul unta ang kontrabando ngadto ni Dany Briontes, alyas Danica.
Dugang pa ni Sanchez nga mag-abot unta sa CR ang duha aron mahatag ang maong kontrabando ngadto sa usa ka Michael Sansan.
Ipahigayon pa sa Guadalupe Police Station og follow-up operation human mibutyag og pangalan ang dinakpan nga naay kalabutan sa maong pagpalusot og ginadili nga drugas.
