Cebu City-Usa ang samdan sa habig sa kapulisan sa dihang nahitabo ang engkwentro tali sa mga gialegar nga mga miembro sa New Peoples Army sa Brgy Balugo ug Brgy Bulabog dakbayan sa Guihulngan sa probinsya sa Negros Oriental.
Ang samdan mao si PO1 Elvis John Lucasan apan dili kaayo grabe ang igo niini.
Matud ni Police Supt Mario Baquiran, ang hepe sa Guihulngan Police Station nga nagsugud ang engkwentro ganihang 11:50 ang takna sa udto sa dihang matud pa giharas sa mga sakop sa gi alegar miembro sa komunistang grupo sa New Peoples Army kon NPA ang mga sakop sa Regional Mobile Force sa Brgy Balugo ug ang mga sakop sa Provincial Mobile Force company sa Brgy Bulabog sakop sa dakbayan sa Guihulngan.
Matud sa mga residente sa Brgy Hinakpan nga gibana banang mukabat sa 60 ka mga NPA ang naka engkwentro sa kapulisan.// Nasigpatan usab sa mga residente nga dunay dala nga mga samdan ang mga miikyas nga mga rebeldeng grupo.
Padayon usab karon ang gipahigayon nga hot pursuit operation batok sa mga komunistang grupo.
Samtang gidugang pa ni Baquiran nga parte sa Red October palot ang nahitabong pagpangharaas sa mga Komunistang grupo sa New Peoples Army.
Giingong kabahin na kini sa ilang plano nga pagtake over sa mga vital installations sama sa PNP ug sa AFP.Apil na usab kini matud pa sa sa ilang gipahigayon nga lihok protesta sa dakbayan sa Bacolod ug sa Dumaguete.
