Cebu City-Mukabat sa dul-an 300mil ka mga tawo ang gibanabana sa kapulisan nga mibisita sa mga sam-ang sa tibuok nga Central Visayas.
Ang maong ihap ang gikan pa kagahapong adlawa hangtud na karong adlaw diin sige gihapon ang pagdagsa sa katawhan alang sa pagbisita sa ilang mahal sa kinabuhi nga mitaliwan na sa laing kalibutan.
Samtang sa bahin usab sa dakbayan sa Sugbo, partikular na sa pinakadako nga sementeryo, ang Calamba cementery, gibutyag ni Police Chief Inspector Alan Rosario nga in place gihapon ang ilang security deployment ug human sa 24 oras kapin na nga pagbantay sa maong sam-ang, wala matud pa silay mga nasugatan nga mga untoward incidents gawas lamang sa mga kontrabando nga ilang na kumpiska.
Mas disiplinado usab matud pa ang mga tawo karon itandi sa mi-aging pagobserbar sa adlaw sa mga patay.Mao kini ang na obserbahan sa usa ka eco-enforcer sa dakbayan sa Mandaue nga si Edcel Baniez.
Kini human usab nga minus ang basura nga nakolekta karon kung itanda sa nakalabay nga tuig. Gisiguro usab nila nga ang mga tawo nga mubisita sa mga sam-ang ang dili magpataka sa paglabay sa ilang basura.
Sa higayon nga ang basura makita sa atubangan sa tindahan , ang tag-iya maoy mamultahan ug 500 pesos.
Pinaagi niini, mapugos gayud ang mga nanag-iya ug pwesto kon tindahan nga hipuson ang mga basura nga naa sa ilang tungud.
