CEBU – Nanganak mismo sulod sa patrol car sa Mandaue City Police Office – Police station 3 ang usa ka inahan human nga wala kna kini maka agwanta gumikan sa ka-traffic.
Matud ni NUP Josie Tejano nga pasado 11:30 kagahapon sa udto sa dihang nakadawat sila ug tawag gikan sa igsuon sa inahan nga manganakay na, ug matud pa napiit sila sa tuman ka trapik.
Sa walay pagduha duha, mirespondi dayon ang ila si PO1 Elmer Gonzalez ug si Tejano sakay sa ilang patrol car. Apan wala na matud pa makaagwanta ang inahan ug matud pa nga kagawason na gyud ang iyahang anak.
Gumikan kay usa man ka registered nurse si Tejano, iya na lamang kining gi-abagan hangtud nga luwas nga makagawas ang bata.
Karon naa na sa luwas nga kahimtang ang inahan ug ang bata human sila gihatud sa birthing center.
Gumikan usab sa ka paspas sa panghitabo, wala na nuon nagkaila ang mga pulis ug ang nanganak nga inahan apan malipayon lang gihapon sila nga nakatabang sila ug nakaluwas pa ug kinabuhi.
