Cebu City-Gihupay ni Capt. Joe Patrick Martinez, ang tigpamaba sa Central Command for the Visayas ang kabalaka sa publiko subay na sa nakita nga presensya sa mga kasundaluhan nga anaa sa kadalanan.
Gitino ni Martinez nga walay angayang ikabalaka ang mga katawhan hilabi na dinhi sa Sugbo sanglit ang mga sundalo nga naa sa kadalanan ang ang mitabang lamang sa pag asister sa lakat sa trapiko ingon man paghatag ug dugang seguridad sa katawhan.
Gihimakak usab niini nga sugud na kini sa pag patuman ug martial law sa tibuok nasud.Gihimug-atan niini nga walay rason aron nga e- deklarar ang martial law sa tibuok nasud ug kung walay gibuhat nga dautan ug nakalapas sa balaud, wala usab angayang kahadlukan ang publiko
Gipasigarbo usab ni Martinez nga dili makadaot ang pagbutang ug dugang pwersa sa kasundaluhan sa mga lugar nga nabutang sa memorandum number 32 sa presidente, inay maka promote kini sa kalinaw ug kahapsay ingon man dugang nga seguridad alang sa katawhan sa komunidad.
