Cebu City-Patay ang gikaingong sinaligan sa self confessed drug lord nga si Franz Sabalones human girakrakan ug pusil sa tulo ka mga wa mailhing suspoek ang gisakyan niining police patrol car samtang padung unta sa korte sa Argao.
Ang namatay mao si Teocilio Ababaon kinsang nasikop kaniadtong Disyembre 29 ug nakuhaan og 10.2 million pesos nga balor sa iligal nga drugas.
Matud ni Police Chief Inspector Jose Rovic Villarin nga padung unta sa korte ang iyahang sakop nga sila si PO3 Ruel Patalinghog ug PO3 Crecenciano Alajid sakay sa police patrol car aron sa nga masang-atan ug kaso si Ababon sa RTC sa lungsod sa Argao.
Gimando na usab karon ni Police Chief Supt Debold Sinas ang pagpalawom sa imbestigasyon kalabot sa pagpamanhig. Matud ni Sinas nga giplano gayud sa mga suspek ang maong krimen tungod kay migwawas sa imbestigasyon nga gi-atangan sa 3 ka mga suspek ang pag-agi sa police patrol car sa Brgy Bulasa.
Dako usab ang duda sa PNP nga si Ababon gyud ang target sa mga suspek. Samtang luwas ang duha ka police nga kauban ni Ababon nga sila si PO3 Ruel Patalinghog ug PO3 Crecenciano Alajid tungod kay naka bullet proof vest.
