Mga pulitiko sa Sugbo kusog ‘maghari-hari’-PDuterte

Cebu City-Gisaway ni Presidente Rodrigo Duterte ang mga pulitiko sa Sugbo gumikan matud pa sa ilang paghari-hari.

Atol sa iyang speech sa pagpang-apud apud og hinabang sa mga Pantawid Program beneficiaries, namatngunan sa presidente ang kultura sa mga pulitiko gikan sa pagpangampanya hangtud nga sila makadaug sa piniliay nga daw sama kini nga maghari-hari.

Matud ni Duterte nga kusog sila maghari-hari ilabi na sa pagpatuman sa mga reporma sa usa ka komunidad hayan gihimugatan sa presidente nga ang nagdumala nga mga lider sa nagkalain-laing lokal nga pang goberno ang mulihok gyud alang sa tinguha nga mapalambo ang komunidad, ingon man ang mga lumulupyo ug dili maghinawod.