CEBU CITY- Dili tulis ang motibo, inay plano nga pagpatay gyud ang gilantaw karon sa PNP sa dakbayan sa Mandaue sa pagkamatay sa magti-ayong negosyante niadtong Abril 14 pasado alas 11 sa gabii.
Mao kini ang gibutyag ni PCOL Julian Entoma, ang Director sa Mandaue City Police Office (MCPO).
Matud ni Entoma nga sa ilang imbestigasyon, nasuta nga ang magti-ayong gipatay nga sila si Michael Canes ug Fraldane Kate Canes ang anaa sa 3 mil kapin nilang drug watchlist.
Gani nalink pa kini sa grupo ni Joy Encila kinsang giila nga “shabu queen”.Dason pa ni Entoma nga tuyo nga patyon gyud ang magti-ayon sanglit ang anak niini nga 8 anyos ang wala apila sa pagpusil.
Planado na usab matud pa ang maong pagpatay sanglit dako ang ilang pagtoo nga gisundan ang mga biktima og naa pa kini spotter.Nasayran sa wala pa gipusil ang magti-ayon, gikan kini nag ‘ship’ sa ilang mga RTW (ready to wear) items sa North Bus Terminal.
Hinoon, narecover na ang CCTV footage sa area sa nahitaboan apan naglisod ang PNP sanglit side view ra ang nakita sa suspect.
Kung wala matud pay makatudlo nga witness sa suspect maglisod usab sila sa pagtumbok sa suspect.
Ang magti-ayon ang gitaparan sa riding in tandem sa dihang ‘red’ (stop) ang traffic light. Mina-og ang backrider sa motor dayong tukmod sa motor sa mga biktima. Sa dihang natumba na kini, gipusil sa gunman ang lalaki nga si Michael.
Human niini, dunay gikuha nga bag ang gunman kung diin nagbinirahay pa sila sa usa ka biktima nga si Fraldane apan gipusil usab kini sa suspect.
Ang 8 anyos nga anak sa biktima kinsang uban nila niadtong higayona ang nakasaksi sa maong panghitabo human wala kini pusila og apil sa mga mamumuno.
