CEBU CITY – Na-impound ang motor sa usa ka police officer sa buhatan sa Cebu City Transportation Office o CITOM gumikan sa kakuwang sa mga dokumento.
Kini human nga personal nga gisita sa incumbent mayor sa Cebu City nga si Tomas Osmeña ang usa ka motorsiklo nga gipanag-iya ni Patrolman Romil Gelogo, lumad nga taga-Himalayan, Negros Oriental.
Matud ni CITOM Operations Head Francisco Ouano nga si Osmeña mismo ang nangunay sa pagpangayo og mga dokumento gikan ni Gelogo apan napakyas kini sa paghatag niini.
Una niini, gikomprontahan ni Osmeña si Gelogo human makit-an nga nagmaneho si Gelogo sa iyang motor diin kuwangan kini og side mirrors ug registration sticker. Nasayran nga nag-drive ang police officer nga naka-shorts ug nagtsinelas lang.
Dugang pa ni Ouano nga adunay gahum ang mayor sa pagsita sa motor nga gipanag-iya ni Gelogo.
Gibutyag usab ni Ouano nga naka-safekeeping ang maong motor ug mabalik kini kung makapakita si Gelogo og mga dokumento sa buhatan sa CITOM. (GN)
