CEBU CITY – Adunay mga plano ang bag-ong naproklamar nga mayor sa Mandaue City nga si Jonas Cortes human nga nakuha ni Cortes ang landslide victory sa pagkamayor. pinaagi sa 101,641 ka mga boto.
Nakakuha si Cortes og 101,641 ka mga boto samtang nakakuha usab ang incumbent mayor nga si Luigi Quisumbing og 58,842 nga mga boto gikan sa mga Mandauehanon.
Una niini, paninguhaon ni Cortes, kinsang incumbent congressman sa 6th district, nga maduol ang kagamhanan ngadto sa katawhan pinaagi sa “participative governance”.
Matud ni Cortes nga himoong “business-friendly” ang Mandaue City gumikan kay nagsalig ang syudad sa mga negosyante.
Gipadayag usab ni Cortes nga iyang tangtangon ang nga ordinansa nga nagdili sa paggamit og bonnet ug face covers alang sa mga motoriosta gumikan kay anti-poor kini.
Kahinumduman nga gipatuman ni incumbent mayor Quisumbing ang kontrobersyal nga “anti-bonnet ordinance” aron makalikay ang dakbayan sa mga riding-in-tandem kinsang nalambigit sa mga pagpamusil. Kini ang nakitang plano ni Cortes sanglit nagmaneho kini og motorsiklo.
Samtang gikatakdang makigpulong si mayor-elect Cortes sa mga nasunugan sa kinsang nanimuyo sa Cebu International Convention Center (CICC) sa posibilidad nga mahatagan og relocation site.
Nasayran nga sa CICC nag-evacuate ang mga residente sa Brgy. Guizo ug Mantuyong human masunugan ang ilang mga panimalay niadtong Marso 2018.
Dako ang pasalamat ni Mayor-elect Cortes sa Ginoo, ingon man sa mga Mandauehanon gumikan sa walay puas nga suporta.
