CEBU – Naka-half mast ang lungsod sa Medellin isip pagkundinar sa nahitabu nga kamatayun sa kanhi mayor sa lungsod ug incumbent municipal councilor Ricardo ‘Ricky’ Ramirez.
Nasayran nga adunay daghang nasubu, nasagmuyu ug nasakitan sa nahitabu sa opisyal lakip na ang mga su-ud nga higala ug kabanay niini.
Basi usab sa pamahayag sa mga lungsaron, gihulagway nila nga bu-utan si Ramirez hinungdan nga hilabihan ang ilahang kagu-ul sa maong panghitabu.
Sa pagkakarun wala pa’y pamahayag ang pamilyang Ramirez, ingun man ang asawa niini nga si Soccoro kung diin anaa dinhi sa syudad sa Sugbo sa dihang nahitabu ang krimen.
Samtang, gihulagway ni Police Lieutenant Colonel Eleveo Marquez, ang Public Information Officer sa Cebu Provincial Police Office nga ‘alarming’ ang nahitabu nga insident nga gikamatay ni Medellin former Mayor Ricardo ‘Ricky’ Ramirez.
Matud ni Lt. Col Marquez nga dili ‘usual’ nga hilabihan ka daghan ang mu ataki sa usa ka establisimento ug usa lang katawu ang tuyu.
Subay niini, lantawun karun sa kapulisan kung daan na ba’y adunay hulga sa kinabuhi ang kanhi mayor.
Samtang, gibutyag ni Marquez nga sa pagkakarun gilantaw nila nga drug-related ang maong insidente apan giingung dili pa sila makahimu ug konklusyon nga gikan sa usa ka sindikato ang mga suspek.
Hinu-un, giklaru niini nga wala sa ilahang watchlist si Ramirez apan giingung inila kini nga drug addict.
Gipahibalu ni Marquez nga lantawun nila ang security nga gi-implement sa Bureau of Jail Management and Penology (BJMP) sa pagbantay sa naka-hospital arrest nga kanhi mayor, ingun man ang security sa tambalanan kung naka-comply kini sa minimum requirement.
