KANSAS, USA — Nabalaka ang usa ka concerned citizen sa Kansas City sa libaong sa kalsada dapit sa ilang panimalay gumikan kay wala maaksyunan dayon sa gobyerno sulod sa tulo ka buwan.
Maong nakahunahuna kini og “celebrate” sa maong problema pinaagi sa pagbutang og birthday cake.
Literal nga iyang gibutangan og cake nga naay “number 3” nga birthday candle sa kalsada.
Matud sa concerned citizen nga si Frank Sereno nga angayang hatagan og birthday party ang libaong sa kalsada aron mahatagan kini og pagtagad sa local government.
Gisaysay ni Sereno nga pirming nag-pending ang iyang reklamo mahitungod sa libaong nga dalan.
Pinaagi niini, gipamatuod ni Sereno nga adunay dautang epekto ang aspaltadong kalsada.
Apan wala kini makahigayon og kanta sa birthday song tungod sa init kaayo nga panahon.
Nakaagni og atensyon sa mga silingan ang birthday sa libaong nga kalsada ug mikatap na kini sa publiko.
Nasayran nga gisulbad na sa concerned agencies ang problema ni Sereno apan nabalda ang pag-repair niini gumikan sa mga pagpang-uwan.
