-- ADVERTISEMENT --
CEBU CITY — Padayong gisuta sa mga sakop sa Mabolo Police Station motibo sa kamatayon sa usa ka lalaki kinsang gipusil sa Sitio Sto. Niño II, Brgy. Barrio Luz sa dakbayan sa Sugbo.
Gipusil sa wala mailhing gunman ang biktima nga si Angel Daño Agustine, 33 anyos, ug lumad nga taga-Cagayan De Oro City.
Matud ni Police Chief Master Sergeant Antonio Din nga kalit lang miduol ang wala mailhi nga gunman ngadto ni Agustine dayon og pusil.
Misibat dayon ang mamumuno human sa maong krimen.
Narekober sa Scene of The Crime Operatives (SOCO) team ang usa ka empty shell sa wala matino nga kalibre, usa ka pakete sa gidudahang shabu, ug cellphone nga gipanag-iya sa biktima.
-- ADVERTISEMENT --
