Basketball player suspendido tungod sa ‘pregnant’ nga drug test result

USA — Gisuspenso sa FIBA ang Amerikanong basketball player nga si DJ Cooper human nga nagpositibo ang resulta sa drug test niini — sa pagkabuntis!

Sa usa ka report sa Europa, mipaubos og doping test si Cooper isip kabahin sa proseso aron mahimong naturalized player sa Bosnian national basketball team.

Nakuha gikan sa iyang urine test ang presensya sa hCG o human chorionic gonadotropin, usa ka hormone nga hinimo lang sa placenta alang sa mga mabdos nga kababayen-an.

Gisuspenso dayon sa FIBA si Cooper tungod sa fraud.

Tungod niini, dili na siya makaduwa sa tanang basketball matches sa maong asosasyon hangtud sa Hunyo 2020.

Una nang mipahibalo si Cooper nga dili una kini makaduwa sa basketball niadto pang 2018.