CEBU CITY-Padayong gisuta ang motibo ug giila ang responsable sa pagpusil patay sa usa ka 65 anyos nga babae sa may Sitio Bayotan Brgy. Duljo Fatima kagahapon sa hapon.
Naila ang biktima nga si Marlyn Singco nga taga Brgy. Cogon Pardo ning dakbayan.
Pagsaysay sa anak sa biktima nga si May Ann Abella nga padulong sa naasoy nga dapit ang iyang inahan kay dunay kuhaon nga celLphone apan taud-taud pa duna nala’y nagtaho kaniya nga ilang silingan nga dunay gipusil sa Sitio Bayotan ug posible nga iya kining inahan.
Pag-adto sa iyang anak nakompirmar nga iya gyud kining inahan.
Sa unang pagtubag niini sa dihang ekslusibong nahinabi sa Bombo newsteam nga daw sama nagtoo kini nga taga-ila ra usab ang mitira sa iyang inahan apan sa mga musunod nga pangutana wala na kini mutubag pa.
Gipusil ang biktima samtang naglingkod kini sa nakaparking nga e-bike.
