CEBU CITY-Dili ‘alarming’ ang nasinati nga haze sa dakbayan sa Sugbo.
Gipasabut ni Dr. Rene Josef Bullecer nga tin-aw pa ang kawangan sayo sa kabuntagon hangtud na sa alas 11 sa buntag apan giingung wala maglihuk ang hangin nga nagsagulan ug ‘pollutants’.
Matud pa nga ang maong mga pollutants ang nagdala ug sakit sa baga ilabi na niadtung aduna na’y daan nga problema sama na lang sa hubak ug uban pa. Lakip sa delikado nga epekto niini mao ang ‘allergy’ sa panit.
Sigon ni Dr. Bullecer nga magdala gayud kini ug daghang mga ‘pulmonary disease’ apan dinhi sa Sugbo dili pa kini angayan nga kabalak-an.
Gidugang niini nga mas angayan nga kabalak-an sa mga tawu ang aso nga gikan sa sakyanan ingun man sa sigarilyo nga mas grabi ug epekto itandi sa haze.
Samtang, gikalipay usab ni Bullecer ang dali nga pagluwat ug pamahayag sa City Health kalabut sa nasinati nga haze arun nga daling malikayan sa tawu.
Ang haze nga nasinati sa Sugbo ang nagagikan sa halapad nga forest fire sa nasud nga Indonesia. (SBR)
