CEBU CITY-Gitataw ni Racquel Arce ang head sa Prevention Restoration Order Beautification Enhancement (Probe) Team sa Cebu nga ang ilang pagclear sa kadalan sa Colon ug ang pagpahimutang sa mga side walk vendors sa laing lugar ang dili temporary.
Kini subay na sa hugon-hugon nga maong gipamalhin ang mga side walk vendors sa tabo sa banay tungod kay mag inspection ang DILG, ug pagkahuman matud pa sa inspeksyon ibalik na ang nga vendors.
Giklaro ni Arce nga dili kini mao ang mahitabo sanglit ilang tumong mao ang pagsustain nga dili na butangan og sidewalk vendors ilabina ang dalan colon.
Gihimug-atan usab ni Arce nga nakalatid sa memorandom circular nga kinahanglan masustiner ang pagclear sa sidewalk kung diin human sa assessment sa DILG, i-turn over na sa baranggay ang tahas para maoy mu-maintain niini. Ug masiguro nga dili na musupak pa ang mga ambulant vendors.
Kung ugaling dili kini manumbaling, diha na musulod ang Probe kung diin maoy mu-execute sa clearing operation.
Gitino usab ni Arce nga kung duna na unya resolusyon para niini, mamahimo na unya mga legitimate vendors ang mamaligyaay ug dili na kini matawag pa nga sidewalk vendors.
Ang 300 ka vendors ang nahimutang na karon sa Tabo sa Banay samtang ang uban ‘wait and see’ pa ang status apan sigurado nga malakip kini nga mapahimutang sa planong ‘night market’ sa city goverment apan wala pa matino kung kanus-a kini ma-implement.
