CEBU CITY — Dili makabuot ang publiko kun ugaling itudlo ni Presidente Rodrigo Duterte si Senador Bato Dela Rosa isip Commission on Human Rights (CHR) Chief.
Kini ang nahimong reaksyon sa Regional Director sa CHR 7 Atty. Arvin Udron subay na sa pamahayag ni Dela Rosa.
Kahinumduman nga mi-angkon ang senador nga mahimong mas epektibo ug ‘effecient’ kung mahimo na kining CHR commissioner.
Matod ni Udron nga ang maong pamahayag ni Dela Rosa usa kadto nga assessment sa iyang kaugalingon.
Apan matod pa usab sa regional director nga dili maayu alang sa mata sa mga Pilipino ang adbokasiya ni Dela Rosa kung diin pabor kini sa death penalty.
Dugang pa niiini nga ‘pro-life’ ang adbokasiya sa CHR ug sukwahi kini sa adbokasiya ni Dela Rosa.
Bisan paman ug dili abogado ang maong senador, napaglantawan ni Udron mamahimo gihapon kini nga CHR Chief basta tulo ang abogado gikan sa lima ka mga sakop niini. (Lahvi Quiñones)
