CEBU CITY – Diriyot nga na-ukay ang mga empleyado sa Metro Bank Borromeo Branch ingon man ang mga anaa sa kasikbit nga establisimento human nga kalit mi-ulbo ang ‘acetylene tank’ nga anaa sa luyo nga bahin sa nahisgutang bangko.
Gisaysay ni SFO3 Lorenzo Cabigas, sa Cebu City Fire Department, nga basi sa ilahang pakighinabi sa mga gwardya sa maong bangko, giingong nakadungog kini sila ug buto sa luyo nga bahin ug sa ilahang pagsusi nangasunog na ang mga wirings hinungdan nga dali kini silang nagpasirit gamit ang fire extinguisher.
Mikabat lang sa P10,000 ang danyos sa mitumaw nga sunog sa nahisgutang bangko.
Hinuon, wala may natala nga samdan o naangol sa maong insidente human nga dali lang nakagawas ang mga empleyado sa naasoy nga establisimento.
