CEBU CITY-Wala matud pa’y makatubag ug dili maabot as tawhanong pagsabot ang rason kung ngano nga nahitabo ang katalagman sa kalibutan ilabina ang nahitabo trahedya sa Mindanao Area human nga subli na usab kining gitayog og 6.9 magnitude nga linog partikular na ang Davao del Sur.
Kini ang pamahayag ni Fr. Aladdin Luzon, sa Order of Sain Agustine (OSA) ug media liaison subay na usab sa mga pangutana karon sa mga nagool ug mga nabiktima nga mikwestyon nganung gitugot sa Ginoo ang sama niini nga hitabo.
Nasayran nga dili muminos sa 6 na ang patay sa nahitabong pagtay-og. Sigon ni Luzon nga dagan kini sa kinaiyahan nga dili na usab makontrolar sa yanong tao.Hinoon nakasabot si Luzon sa katawhan kung nganung nakapangutana niini ug sa ila usab nga kasubo karong panahona.
Apan gihimug-atan ni Luzon nga dili gyud kini pagtugot sa Ginoo, ug inay nga mukwestyon kita kung nganung nahitabo kini, mas maayo nga maghuna-huna kung unsa kaha ang mensahe nga gipaabot sa Ginoo taliwa niining mga katalagman.
Nunot niini mipaabot usab og pag-ampo si Fr. Aladdin sa mag nabiktima sa linog ug ingon man pangamuyo kinabag-an dili lamang sa nusod apan lukop kalikupan.
Atong iduko ang atong mga ulo ug mag-ampo.
