Nabantayan sa mga namunuan sa Basilica Minore del Sto. Niño libuan ka mga deboto ang nanimba sa novena mass sa Fiesta Señor.
Matud sa Media Liaison sa Basilica nga si Fr. Aladin Luzon, OSA nga nitambong ang dili mominos sa 20,000 ka deboto sa 5PM mass kagahapon.
Tungod niini, mipahimangno ni Fr. Luzon sa mga manimbahay nga di nalang magdala ug bug-at nga mga gamit o mga dagko nga bag para di madelatar sa pagsulod sa simbahan.
Ingon man magdala nalang usab ug tubig ug paypay.
Hangyo usab ni Luzon nga dili magpataka sa paglabay sa basura sulod sa simbahan.
Matod pa usab sa mga magdala ug bata gikinahanglan nga dili gayud wagtangon sa panan-aw para dili kini mangawala.
Gikinahanglan lang matod pa nga mosunod gayud sa mga security procedure alang sa kahapsay ug kalinaw sa tanan.
