Gikumpirmar ni PNP chief Gen. Archie Francisco Gamboa nga gitangtang sa pwesto ang tulo ka mga pulis Central Visayas human nga giingong naabtang nagduwa og golf.
Girelibuhan na sa ilang nahimutangan si PCOL Dennis Artil, PLTCOL Richard Bad-ang, ug PLTCOL Glenn Mayam.
Base sa ilang nadawat nga report, gikatahong nagduwa og golf ang tulo ka mga pulis sa adlaw nga Martes, Miyerkules, ug Huwebes.
Matud ni Gamboa nga anaa na sila sa Personnel Holding and Accounting Unit (PHAU) sa Camp Crame sa kaulohan samtang gipaubos sila sa imbestigasyon.
Mipahinumdom ang PNP Chief sa mga sakop nga likayan ang pagduwa og golf sa weekdays gumikan kay nakalatid kini sa ilang polisiya.
Sa gihapon, gisiguro ni Gamboa nga ipaubos ang tulo ka mga pulis gikan sa Region-7 sa due process atol sa imbestigasyon.
