CEBU CITY– Boluntaryong ,mi-surrender sa Land Transportation Office (LTO-7) si Judiel Niño Cane, alyas ‘Boy Wangwang’ kinsa’ng nagviral ang video sa social media human kini migamit ug wangwang ug blinker sa rason nga late na siya sa iyahang exam.
Matud ni LTO-7 Regional Director Victor Caindec sa dihang nahinabi sa Bombo Radyo Cebu, nga nakadawat na siya og mensahe gikan sa iyang higala nga nagpakuyog ang inahan ug ang batan-on sa buhatan sa LTO-7 ug pasado alas-9 sa buntag personal kining ni-atubang sa director.
Apan nagkanayon si Caindec nga bisan paman ug nakadawat na siya ug mensahe, gipadalhan lang gihapon niya kini ug notice.
Subay na sa pag-surrender niini, gikuyogan ni Caindec ang mag-inahan sa hepe sa operation sanglit kini ang due process.
Hinoon, gi-angkon usab ni Cane ang iyang sayop sa pagamit og wangwang ug blinker butang nga usa ka violation sa traffic.
Kasamtanga’ng gi-isyuhan usab og TOP si Cane samtang nagpaabot pa kun unsa ang rekomendasyon nga violation nga ihatag sa ‘system’ niini
Samtang gihangyo ni Caindec ang katawhan kinsa’ng nagamit usab ug wangwang nga boluntaryo nalang kining tangtangon ug dili nala’ng paaboton nga madakpan pa.
