MANDAUE CITY-Dili pa usa matud pa makaingon si Mandaue City Mayor Jonas Cortes nga aduna na’y polio victim sa Mandaue human nga nagpositibo ang Butuanon river sa polio virus.
Kini ang pamahayag sa mayor sa dihang nahinabi sa Bombo Radyo Cebu atol sa Zona Libre Sunday Edition Program tungod kay daghan ang area nga gilatasan sa maong sapa ug dili lang ang Mandaue.
Hinungdan nga gi-awhag sa mayor ang Department of Health (DOH-7) nga magbutang og lain-laing testing station para masuta kung diin ug asa gyud ang source sanglit mamahimo man usab nga transient lang o tursita ang nataptan niini.
Mensahe usab ni Cortes sa iyang mga konstituwente nga mamahimong ‘extra careful’ ug kung dunay gidudahan nga nataptan niining polio virus ipareport gyud dayon sa city health office.
