CEBU CITY-Nag-atubang na og kaso’ng kalapasan sa Presidential Decree 1602 o A Decree Prescribing Stiffer Penalties on Illegal Gambling ang 170 ka mga indibidwal nga nasikop sulod sa tigbakayan sa Sitio Luan-luan, Barangay Poblacion 1 siiyudad sa Carcar niadtong nakalabay’ng adlaw.
Matud ni Police Lieutenant Colonel Clarissa Gabutan, ang hepe sa Carcar PNP nga tataw nga nakalapas sa balaud ang mga nadakpan gumikan sa paghimo sa maong sugal atol sa weekdays.
Gihimug-atan sa maong police official nga kalapasan gihapon sa balaud ang lisensiyado man o rehistrado nga sugal kung ipahigayon kini gawas sa gikatakdang skedyul butang wala masunod sa naasoy nga buwangan.
Kahinumduman nga mukabat sa kapin 30 ka mga manok ig-tatari, 2 ka patay’ng manok, wala pa matinong kantidad sa salapi ug uban pang mga ebedensiya ang nasakmit sa otoridad atol sa ilang gihimong operasyon sa tigbakay sa usa ka galleria sa Carcar City niadtong Martes sa gabii, petsa 18 sa Pebrero.
